Тошкент вилоятида бир гуруҳ шахслар экология инспекторига тан жароҳати етказди 

Тошкент вилояти Экология бошқармаси Оҳангарон тумани инспектори А.Мирзааҳмедовга хизмат вазифасини ўтаётган пайтида тан жароҳати етказилди. Воқеа 10 август куни юз берган. 

Қайд қилинишича, инспектор сомондан бўшаган ер майдонлари ёқиб юборилгани ҳолатини ўрганиш мақсадида Оҳангарон туманидаги «Ойбулоқ» ва «Убай» маҳалласи ҳудудида жойлашган «Т.Б.» фермер хўжалигига борган. Шунда унга бир гуруҳ шахслар қаршилик кўрсатиб, куч ишлатган ва тан жароҳати етказган. 

Инспекторга тиббий ёрдам кўрсатилгани ва унинг аҳволи яхши экани айтилмоқда. 

Ҳолат юзасидан тўпланган ҳужжатлар прокуратура органларига юборилган.