ANORBANK томонидан Меҳрибонлик уйи тарбияланувчилари учун хайрия байрами ўтказилди

Анъанага кўра, 22 август куни АNORBANK ўзининг ташкил топган куни муносабати билан Меҳрибонлик уйи тарбияланувчилари учун хайрия байрамини ўтказиб, улар билан ўз қувончини баҳам кўради. Бу йил АNORBANK томонидан Тошкент шаҳридаги 22-сонли Меҳрибонлик уйи болалари учун кўнгилочар тадбир ўтказилди.

Бу сафар 4 ёшдан 18 ёшгача бўлган 60 нафардан ортиқ болалар турли ижодий танловлар ва спорт мусобақаларида иштирок этди. Болалар жамоаларга бўлинган ҳолда қизиқарли эстафета ва мусобақаларда қатнашди, рассом билан жумбоқ кўринишдаги расм чизди. Хореограф Сергей Злотниковнинг рақс жамоаси чиқишлари ва флешмоби ҳам болаларга манзур бўлди.

Тадбир сўнгида болалар учун дискотека ва кўпикли шоу ташкил этилди, байрам дастурхони ҳам уларни мамнун этди.

Реклама ҳуқуқи асосида