Тошкентда Амир Темур кўчасининг бир қисми вақтинча ёпилади

Айрим автобус йўналишларининг ҳаракати бошқа кўчалар орқали ташкил этилади.

Бугун, 31 август куни «Шаҳидлар хотираси майдони»да тадбир ўтказилади. Бу ҳақда Транспорт вазирлиги хабар бермоқда.

Шу муносабат билан, Амир Темур кўчасининг Боғишамол кўчасидан Шаҳристон кўчасигача бўлган қисми ёпилиши маълум қилинган.

Қайд этилишича, мазкур кўчалардан ҳаракатланувчи 97-, 150-, 24-, 50-, 51-, 63-, 91-, 93-, 95-, 140-, 67-сонли автобус йўналишларининг ҳаракати бошқа кўчалар орқали ташкил этилади.