Ўзбекистонга қариндошларини йўқлаш мақсадида энг кўп Тожикистон фуқаролари келган

2023 йилнинг январ-июл ойларида жами 3,1 млн нафар чет эл фуқаролари қариндошларни йўқлаш мақсадида Ўзбекистонга ташриф буюрган.

Статистика агентлигининг дастлабки маълумотларига кўра, Ўзбекистонга 7 ойда қариндошларни йўқлаш мақсадида ташриф буюрган давлатлар фуқаролари сони бўйича Тожикистон биринчи ўринни эгаллаб турибди – 1 млн киши.

Ушбу кўрсаткич қолган давлатлар кесимида қуйидагича кўриниш олди:

• Қирғизистон – 886 минг нафар;
• Қозоғистон – 831,6 минг нафар;
• Россия – 269,6 минг нафар;
• Туркия – 28,3 минг нафар;
• Жанубий Корея – 4,5 минг нафар;
• Украина – 3,8 минг нафар;
• Беларус – 3,6 минг нафар;
• Туркманистон – 3,5 минг нафар;
• Германия – 2,6 минг нафар.