Қўшимча функционаллар
-
Тунги кўриниш
Ўзбекистонда жиноят содир этган шахслар Бишкекда қўлга олинди
Улар юзни танувчи камералар ёрдамида ушланди.
Фото: Қирғизистон ИИВ
Қирғизистон пойтахти Бишкек шаҳридаги юзни танувчи камералар ёрдамида аввал Ўзбекистонда жиноят содир этгани учун қидирувда бўлган хориж фуқаролари қўлга олинди.
Қайд қилинишича, 1983 йилда туғилган Х.Р. Ўш шаҳри бозоридаги юзни таниш камерасига тушиб қолган. Унга нисбатан Ўзбекистонда Жиноят кодексининг «Ўғрилик» ва «Ҳужжатлар, штамплар, муҳрлар, бланкаларни, автомототранспорт воситаларининг ва улар тиркамаларининг (ярим тиркамаларининг) давлат рақам белгиларини эгаллаш, нобуд қилиш, уларга шикаст етказиш ёки уларни яшириш» моддалари билан жиноят иши қўзғатилган. Х.Р. Ўзбекистонда қидирувга берилган.
У билан биргаликда солиқ ёки йиғимларни тўлашдан бўйин товлагани учун қидирувда бўлган 1978 йилда туғилган Х.Ю. ҳам ушланган.
Иккаласи ҳам Бишкек шаҳар Ички ишлар бош бошқармасининг вақтинчалик ҳибсхонасига жойлаштирилган. Улар кейинроқ Ўзбекистонга экстрадиция қилиниши айтилмоқда.
Мавзуга оид
16:48 / 17.11.2024
Италиялик тадбиркор ўғирлаб кетилишини уюштирган ўзбекистонлик қўлга олинди
22:22 / 16.11.2024
Хитойда имтиҳондан ўта олмаган талаба оммавий қирғин уюштирди
17:30 / 14.11.2024
Қирғизистон Иссиқкўлни сақлаб қолиш учун қўшниларга камроқ сув бериши мумкин
22:01 / 12.11.2024