Bank of China мамлакат банк тизими имкониятлари ва унга кириш бўйича қонунчилик ҳужжатларини ўрганишга қизиқиш билдирди.
Фото: REUTERS/Tingshu Wang
Хитой банки Ўзбекистон бозорига киришга қизиқмоқда. Бу ҳақда Марказий банк матбуот хизмати хабар берди.
Бу бўйича, Марказий банкда дунёнинг топ-10 та банкидан бири — Хитой банки (Bank of China) раҳбарияти билан учрашув ўтказилди.
Хитой банки раҳбарияти Ўзбекистоннинг банк тизими имкониятлари ва унга кириш бўйича қонунчилик ҳужжатларини ўрганишга қизиқиш билдирди.
Регулятор Хитой томонига батафсил маълумот ва тегишли тушунтиришлар берган.
Томонлар мамлакат молия бозорини ривожлантириш юзасидан ҳамкорликни кенгайтириш борасида ҳам фикр алмашди.
