НАТО мудофаа вазирлари йиғилиши 11-12 октябр кунлари бўлиб ўтади

Йиғилишга НАТО бош котиби Йенс Столтенберг раислик қилади.

Фото: nato.int

11-12 октябрь кунлари алянснинг Брюсселдаги штаб-квартирасида НАТО мудофаа вазирларининг режалаштирилган учрашуви бўлиб ўтади.

Бу ҳақда алянс матбуот хизмати хабар берди.

«Мудофаа вазирлари йиғилиши 11-12 октябр кунлари НАТОнинг Брюсселдаги штаб-квартирасида бўлиб ўтади. Йиғилишга НАТО бош котиби Йенс Столтенберг раислик қилади», - дейилади хабарда.

Аввалроқ Венгрия бош вазири Виктор Орбан Швецияни НАТОга қабул қилиш жараёнини тезлаштириш учун ҳозирча ҳеч қандай асос кўрмаётганини маълум қилганди.

Унинг сўзларига кўра, ҳозирда «ҳеч нарса Швеция хавфсизлигига таҳдид солмаяпти» ва шунинг учун Венгрияда мамлакатни альянсга қабул қилиш жараёнига шошилиш учун асос йўқ.

«Биз Швециянинг НАТОга аъзолигини ратификация қилишга ундайдиган шошилинч нимадир бор-йўқлигини кўришимиз керак. Мен бундай ҳолатларни кўрмаяпман», - деди Орбан.