Россия ва Ўзбекистон авиақатновларни кўпайтиришга келишиб олди 

Россия ва Ўзбекистон транспорт вазирликлари айрим шаҳарлар ўртасида ўзаро авиақатновларни кўпайтиришга келишиб олди. Хусусан, Москва-Тошкент йўналиши бўйича рейслар сони ҳафтасига 39 тадан 50 тага етказилади.  

Тегишли келишув Россия ҳаво транспорти федерал агентлиги веб-сайтида эълон қилинган.  

Ҳужжатга кўра, қуйидаги шаҳарлар ўртасида ҳафталик ҳаво қатнови кўпайтирилади:

- Москва - Тошкент: 39 тадан 50 тага;

- Москва - Бухоро: 10 тадан 14 тагач;

- Москва - Урганч: 7 тадан 14 тага;

- Санкт-Петербург - Тошкент: 7 тадан 14 тага;

- Красноярск - Тошкент: 7 тадан 14 тага. 

Авиақатновлар сонининг кўпайиши ҳамкорлик ривожига ижобий таъсир кўрсатиши ва икки давлат ўртасида ташиш бўйича йўловчилар талабини қондиришга хизмат қилиши таъкидланмоқда. 

Ҳужжатга кўра, рейсларнинг катта қисми Uzbekistan Airways томонидан амалга оширилади.