Apple ғоясига кўра, улар мижозларга сохта ва эски смартфонлар ўртасидаги фарқни аниқлашда ёрдам бериши керак эди.
Apple компанияси iPhone 15 смартфони қутиларида қўлланиладиган ва қурилмаларнинг ҳақиқийлигини кўрсатадиган янги, яширин, ҳимояланган белгилар ҳақида маълумот берган эди. Majin Bu инсайдери ушбу белгиларни Хитойда қандай қилиб қалбакилаштиришни аллақачон ўрганиб олишгани ҳақида хабар берди.
«Хитойликлар аллақачон iPhone 15 махфий муҳрларини нусхалашни ўрганиб олишди, шунинг учун янги қурилмани онлайн сотиб олаётганда эҳтиёт бўлинг ва керакли текширувларни олдиндан бажаринг», деб ёзди ижтимоий тармоқда Majin Bu.
Apple тақдимотида айтилишича, ушбу ёрлиқларни фақат ултрабинафша нурлар остида кўриш мумкин. Улар қутиларни бузилишдан ҳимоя қилувчи муҳрларга қўлланилади. Белгиларда «iPhone» ёзуви ва кичик DataMatrix-код бор. Apple ғоясига кўра, улар мижозларга сохта ва эски смартфонлар ўртасидаги фарқни аниқлашда ёрдам бериши керак.
Маълум бўлишича, бу ҳимоя усули энди кафолатланган эмас. Шунинг учун, қайта текширишнинг энг ишончли усули - бу Apple веб-сайти, у ерда қурилманинг серия рақамини киритиб, унинг ҳақиқийлигини, шунингдек фаоллаштирилган сана ва кафолат муддатини билиб олиш мумкин.
