Тошкент вилоятида тўй кортежи иштирокчилари 10 суткага қамалди

Улар йўлда машинани бошқараётганда рулни қўйиб юборган ва салондан тўлиқ чиқиб олган.

Фото: Видеодан кадр

Маъмурий ишлар бўйича Янгийўл шаҳар суди тўй кортежининг икки иштирокчисини 10 суткага қамоққа олиш ҳақида ҳукм чиқарди.

Аввалроқ, ижтимоий тармоқларда тўй маросимига кетаётган ҳайдовчилар машина рулини қўйиб юбориб, салондан чиқиб олгани акс этган видео тарқалган эди. Тошкент вилояти ИИБ ЙҲХБ томонидан аниқланишича, воқеа 1 октябр куни содир бўлган.

Суд қонунбузарларни Маъмурий жавобгарлик тўғрисидаги кодекснинг 183-моддасига (майда безорилик) асосан айбдор деб топган ва 10 сутка маъмурий қамоқ жазосини тайинлаган.