Осиё қитъасида ЖЧ-2026 биринчи саралаш босқичи ўйинлари якунланди.
Ўзбекистон миллий жамоасига ЖЧ-2026 саралашининг иккинчи босқичида Эрон ва Туркманистон билан бирга Ҳонгконг миллий жамоаси ҳам рақиб бўлади.
17 октябр куни, биринчи саралаш босқичи доирасида Ҳонгконг сафарда Бутан футболчиларига 0:2 ҳисобида ютқазди. Бироқ, дастлабки ўйиндаги 4:0 ҳисобидаги ғалаба ҳонгконгликларга икки баҳс натижасига кўра, навбатдаги босқич йўлланмасини тақдим қилди.
Ўзбекистон миллий жамоаси ЖЧ-2026 иккинчи саралаш босқичи ўйинларини 16 ноябр куни Туркманистонга қарши сафардаги баҳс билан бошлайди. 21 ноябрда эса Тошкентда Эрон миллий жамоасини қабул қилади. Кейинги ўйинлар 2024 йилда ўтказилади. Гуруҳда биринчи ва иккинчи ўринни эгаллаган жамоалар учинчи саралаш босқичига йўл олади.
