Транспорт назорати инспекциясига бошлиқ тайинланди

ИИВ ЙҲХББ бошлиғининг биринчи ўринбосари Жамшид Каримов Транспорт вазирлиги ҳузуридаги Транспорт назорати инспекциясига бошлиқ этиб тайинланди.

Фото: Транспорт вазирлиги ахборот хизмати

Президентнинг тегишли қарори билан Каримов Жамшид Абдуҳамидович Транспорт вазирлиги ҳузуридаги Транспорт назорати инспекцияси бошлиғи лавозимига тайинланди. Бу ҳақда вазирлик ўзининг Telegram-каналида хабар берди.

Қайд этилишича, Каримов бу лавозимга тайинлангунига қадар Ички ишлар вазирлиги Йўл ҳаракати хавфсизлиги бош бошқармаси бошлиғининг биринчи ўринбосари - йўл ҳаракати хавфсизлигини мувофиқлаштириш бошқармаси бошлиғи лавозимида ишлаб келган.

Тайёрлаган: Дилшода Шомирзаева

#Транспорт вазирлиги #Жамшид Каримов