Урганчдан Санкт-Петербургга парвозлар сони оширилади

Икки шаҳарни боғловчи авиақатновлар сони ҳафтасига тўрттага етказилади.

Фото: Kun.uz

29 ноябрдан бошлаб Хоразм вилояти маркази Урганч шаҳридан Россиянинг Санкт-Петербург шаҳрига парвозлар сони оширилади. Бу ҳақда Uzbekistan Airways хабар берди.

Қайд қилинишича, парвозлар сони ҳафтасига тўрттага етказилади. Рейслар сешанба, чоршанба, жума ва якшанба кунлари амалга оширилади.

Аввалроқ, Россия ва Ўзбекистон транспорт вазирликлари айрим шаҳарлар ўртасида ўзаро авиақатновларни кўпайтиришга келишиб олган эди.

Жумладан, Москва ва Урганч ўртасидаги қатновлар ҳафтасига 7 тадан 14 тага етказилиши айтилди. Рейсларнинг катта қисми Uzbekistan Airways томонидан амалга оширилади.