Қўшимча функционаллар
-
Тунги кўриниш
Қорақалпоғистонда АГТКСлар иш вақтига чеклов киритилди
Ҳаво совиши муносабати билан, Қорақалпоғистонда автомобилларга газ тўлдириш шохобчалари соат 06:00 дан 15:00 гача ишлаши белгиланди. Аввалроқ бундай чора Андижон вилоятида қўлланилганди. Ижтимоий тармоқларда Тошкентдаги шохобчалар ишлашида ҳам узилишлар бўлаётгани айтилмоқда.
Фото: Kun.uz
Қорақалпоғистон Республикасида жойлашган автомобилларга газ тўлдириш компрессор станциялари тун-у кун режимидан соат 6:00 дан 15:00 гача ишлаш режимига ўтмоқда. Бу ҳақда “Ҳудудгаз Қорақалпоғистон”га таяниб, KRuz.uz хабар берди.
Бу чеклов 9–14 декабр кунлари ҳаво кесин совиб кетиши муносабати билан истеъмолчиларнинг табиий газга талаби ортиб, магистрал тармоқларда газ босими пасайишининг олдини олиш мақсадида киритилган.
Аввалроқ айни сабаб билан Андижон вилояти ҳокимлиги 4 декабрдан бошлаб вилоятдаги АГТКСлар иш вақти 6:00 дан 15:00 гача чекланиши ҳақида хабар берганди.
Айни пайтда ижтимоий тармоқларда Тошкент шаҳридаги газ қуйиш шохобчалари фаолиятида ҳам узилишлар кузатила бошлагани ҳақида маълумотлар бор.
Ноябр ойида парламентда ҳисобот берган энергетика вазири Жўрабек Мирзамаҳмудов қаттиқ совуқ кунларда газ-шохобчаларига таъминот 30 фоизгача қисқартирилиши мумкинлигини айтганди.
Мавзуга оид
10:46 / 09.07.2024
Андижон, Фарғона ва Сурхондарёда электр тармоқларига ноқонуний уланиш ҳолатлари фош этилди
16:48 / 06.07.2024
577 сўмдан 998 сўмгача — ИЭСларда ишлаб чиқарилаётган электр энергиясининг таннархи қанча?
14:04 / 03.07.2024
Сув таъминоти корхонаси Юнусободдаги тошқинга свет ўчгани сабаб бўлганини билдирди. Энергетика вазирлиги буни рад этди
20:30 / 02.07.2024