Ўзбекистон ТИВ раҳбари 5 давлат элчилари билан келгуси йил учун устувор вазифаларни белгилаб олди

Ўзбекистон ТИВ раҳбари ва Қирғизистон, Қозоғистон, Тожикистон, Украина ҳамда Гуржистон элчилари 2023 йилда икки томонлама муносабатларда эришилган ютуқларни кўриб чиқди ва келгуси йил учун устувор вазифаларни белгилаб олди.

Фото: ТИВ

Ўзбекистон ташқи ишлар вазири Бахтиёр Саидов Қирғизистон элчиси Муса Жаманбаев, Қозоғистон элчиси Бейбут Атамкулов, Тожикистон элчиси Абдужаббор Раҳмонзода, Украина элчиси Микола Дорошенко ва Гуржистон элчиси Георгий Чхеидзени қабул қилди.

ТИВ маълумотига кўра, йил давомида икки томонлама алоқаларни ривожлантириш борасида эришилган ютуқлар кўриб чиқилди ва келгуси йил учун асосий устувор вазифалар белгилаб олинди.

Ташқи ишлар вазири элчиларга жадал суръатларда кенгайиб бораётган умумий кун тартибини янада сезиларли натижалар билан бойитишга бўлган интилиши учун миннатдорлик билдирди.

Тайёрлаган: Отабек Матназаров

#ТИВ #Бахтиёр Саидов