Францияда иммиграция қонунчилиги кучайтирилди

Францияда парламент янги иммиграция қонунини қабул қилди, деб ёзди The Guardian. Қонун чет эл фуқаролари учун мамлакатни очиқ қолдирса-да, баъзи чекловларни кескинлаштиради. 

Қонунда, жумладан, қуйидаги қоидалар мавжуд:

- Яшаш учун рухсатнома олган, лекин Францияда беш йил яшамаган шахс нақд пул ёрдами ва уй-жой харажатларига ёрдам олиш ҳуқуқидан маҳрум этилади;

- Ишламайдиган чет элликлар учун нақд пул ёрдами бекор қилинади;

- Давлат тиббий суғуртасини олиш ва чет элликлар учун Франция олий таълим муассасаларига ўқишга кириш тартиби мураккаблашади;

- Иммиграция квоталари жорий этилади;

- Иммигрантларнинг фарзандларига туғилиши билан Франция фуқаролиги берилмайди. Бундай болалар 16 ёшида сўров бўйича Франция фуқаролигини олиши мумкин.

- Ишчи кучи етишмайдиган секторларда ҳужжатсиз ишчилар қонунийлаштирилади. 

Янги қонун парламентда турлича кутиб олинди. Жумладан, ўта ўнг партиялар уни ултра ўнг «Миллий бирлик» фракцияси раҳбари Марин Ле Пендан «илҳомланган» деб атамоқда. Унинг ўзи қонуннинг қабул қилинишини ўзининг «мафкуравий ғалабаси» деб атади. 

Ушбу ташаббусни қабул қилиш бўйича президент Макроннинг марказчи гуруҳи ичида, жумладан «Уйғониш» партиясининг ўзида ҳам келишмовчиликлар бўлди. Сўл кучларга мансуб коалиция вакиллари бу қонунга қарши овоз берди.