Ўзбекистон ва ЖССТ Оролбўйи учун лойиҳаларни кенгайтиради

Ўзбекистон ташқи ишлар вазирининг ўринбосари Музаффар Мадраҳимов Жаҳон соғлиқни сақлаш ташкилотининг (ЖССТ) Ўзбекистондаги ваколатхонаси раҳбари Ашина Халакдина билан учрашув ўтказди.

ТИВ маълумотига кўра, суҳбат чоғида Ўзбекистон ва ЖССТ ўртасидаги ҳамкорликнинг устувор йўналишлари муҳокама қилинди. Томонлар «Ўзбекистон–2030» стратегиясининг тегишли бандларини амалга оширишда яқин алоқаларни давом эттириш зарурлигини таъкидладилар.

Оролбўйи минтақасини ривожлантиришга қаратилган лойиҳаларни кенгайтириш бўйича ҳамкорликни фаоллаштиришга алоҳида эътибор қаратилди.