Ўзбекистонлик шифокор ва ҳамширалар Қатар клиникаларида ишга қабул қилинади

Ўзбекистоннинг Доҳадаги элчихонаси ходимлари Қатарнинг Elegancia Healthcare компанияси тижорат ишлари бўйича бош директори Десмонд Донелли билан музокара ўтказди.

Фото: Дунё АА

«Дунё» хабарига кўра, мулоқот чоғида Қатарнинг мазкур компанияси иштирокида мамлакатда соғлиқни сақлаш соҳасида лойиҳаларни амалга ошириш масалалари муҳокама қилинди.

Elegancia Healthcare компаниясининг The View Hospital, Military Medical City ва Hopital Algero Qatari Alleman клиникаларида ўзбекистонлик инглиз тилида эркин сўзлаша оладиган шифокор ва ҳамшираларни ишга қабул қилиш бўйича келишувга эришилди.

Шунингдек, Қатар томони янги лойиҳани амалга оширишнинг дастлабки босқичида Elegancia Healthcare компаниясига тўрт нафар ўзбек мутахассислари ишга қабул қилинишини таъкидлади.