Тошкентда қурилиш моллари контейнери ёниб кетди

Бектемир туманида қурилиш материаллари солинган контейнерда ёнғин чиқди.

Фото: Видеодан кадр

Тошкент шаҳар Бектемир туманида контейнер ичидаги қурилиш моллари ёниб кетди. Бу ҳақда ФВВ ахборот хизмати хабар берди.

17 январ куни соат 17:16 да Бектемир тумани, Порлоқ кўчасида жойлашган контейнер ичидаги қурилиш моллари ёнаётгани тўғрисида Тошкент шаҳар Фавқулодда вазиятлар бошқармасига хабар келиб тушган. Ёнғинга 4 та ёнғин қутқарув экипажлари соат 17:27 да етиб бориб, соат 17:44 да ёнғин ўраб олиниб, 17:54 да батамом ўчирилган.

Ёнғин натижасида тан жароҳати олган ва вафот этганлар йўқ, ёнғин келиб чиқиш сабаби ва зарар миқдори аниқланмоқда.

Тайёрлаган: Азиз Қаршиев

#ёнғин #Бектемир тумани