Тошкентнинг икки туманида электр энергияси вақтинча ўчирилади

Тошкент шаҳрининг икки тумани: Юнусобод ва Чилонзорда 23 январ куни электр энергияси таъминоти вақтинча ўчирилади.

Фото: Ҳудудий электр тармоқлари

“Ҳудудий электр тармоқлари” АЖ Тошкент шаҳар филиали хабарига кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсадида 23 январ куни қуйидаги манзилларда электр таъминоти вақтинча ўчирилади:

Чилонзор тумани: “Олмазор” МФЙнинг айрим ҳудудларида соат 00:00 дан 06:00 гача;
Юнусобод тумани: “Мингчинор”, “Регистон”, “Ғайратий”, “Адолат”, “Анорзор”, “Юнусобод”, “Шаҳристон” ҳамда “Биллур” МФЙнинг айрим ҳудудларида соат 10:00 дан 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган.