Словянскдаги вайронгарчилик ва Донбасс шимолидаги танкчилар. Уруш суратлари

Украинадаги урушнинг 706-куни ўтди. Асосий маълумотлар:

Венгрия бош вазири Виктор Орбан Будапешт ЕИ томонидан Украинага ёрдам ажратилишини қўллаб-қувватлаши учун Европарламентга ўз шартини қўйди. Унинг ҳисоблашича, молиявий ёрдам ҳар йили қайта кўриб чиқилиши керак. Айни вақтда Брюссел Киевга тўрт йил учун 50 миллиард евро миқдоридаги пакет ажратишни режалаштирмоқда
Financial Times нашрига кўра, Володимир Зеленский Валерий Залужнийни ишдан бўшатиш бўйича бир қарорга келган, аммо бу маълум вақтга кечиктирилиши мумкин — Украина ҚК бош қўмондони истеъфога чиқарилаётгани ҳақидаги хабар матбуотга сизиб чиққани учун.
Лвив области Украинанинг барча совет ёдгорликлари демонтаж қилинган илк ҳудуди бўлди. 2023 йил мобайнида регионда 312 та монумент олиб ташланган.
Европарламент латвиялик депутат Татяна Жданокнинг ФХХ билан эҳтимолий алоқалари юзасидан текширув бошлади.
РФ ТИВ раҳбари Сергей Лавров Россия Украинадан кейин Болтиқ бўйи давлатларига ҳужум қилиши мумкинлиги тўғрисидаги фикрларни «абсурд» деб атади.

Кун кадри. Словянскдаги вайронгарчилик