Google бутун интернетни захирада сақлашни тўхтатади

Google ўзининг қидирув тизимининг энг қадимги функцияларидан бири - Google кешида сақланган сайтлар нусхаларини кўрсатишдан воз кечишга қарор қилди. Буни Google қидирув хизмати мутахассиси Дэнни Салливан ижтимоий тармоқдаги саҳифасида тасдиқлади.

«Ҳа, функция олиб ташланди. Биламан ачинарли. Мен ҳам хафаман. Бу бизнинг энг қадимги функцияларимиздан бири эди. Аммо кеш саҳифаларни юклашга ёрдам бериш учун керак эди, чунки илгари бу қийин эди. Бугунги кунда вазият сезиларли даражада яхшиланди. Шунинг учун компания кешдан воз кечишга қарор қилди», деб тушунтирди Салливан.

Эксперт Google қидируви келажакда Интернет Архив хизмати ресурсларида сақланадиган саҳифаларнинг архивланган версияларига ҳаволалар беришни бошлаши мумкинлигини таклиф қилди.

Google кешидаги саҳифа версиясини кўрсатиш функцияси 2023 йил декабрида баъзи фойдаланувчилар учун йўқолиб қолган эди. Шунингдек, у ўчирилган ёки ўзгартирилган материаллардан фойдаланиш имконини берар эди.

Саҳифаларнинг эски версияларига кешланган ҳаволалар Google қидирув саҳифасидаги ҳар бир натижа ёнидаги менюда жойлашар эди. Тизимнинг қидирув роботи том маънода ҳар бир ресурснинг нусхасини сақлаганлиги сабабли, Google ҳозирда деярли бутун Интернет архивига эга, унинг ҳажми, эҳтимол, петабайтларда (1 петабайт = 1 минг терабайт) ўлчанади.