Миср Ўзбекистон пахтаси ва ип-калавасини харид қилмоқчи

Ўзбекистон элчихонаси кўмагида "Ўзтўқимачиликсаноат" уюшмаси раисининг биринчи ўринбосари Мирмуҳсин Султонов ва Мисрнинг JQSWAQ компанияси бош директори Мансур Ғафри ўртасида онлайн учрашув бўлиб ўтди.

Фото: Kun.uz

"Дунё" хабарига кўра, JQSWAQ компанияси Мисрдан АҚШга тўқимачилик маҳсулотларини экспорт қилишга ихтисослашган бўлиб, ҳозирда Ўзбекистон текстил саноати корхоналари билан ҳамкорлик қилишга қизиқиш билдирмоқда.

Компания вакиллари ўз тадқиқотларидан келиб чиққан ҳолда, Ўзбекистоннинг пахтаси ҳамда юқори сифатли ип-калава ва тайёр кийим-кечакларни харид қилишда амалий ёрдам сўради.

Суҳбат давомида компания вакили билан келгусида ҳамкорликни давом эттириш ва Ўзбекистондаги корхоналар билан алоқаларни йўлга қўйиш, дастлабки товарлар партиясини экспорт қилишга келишиб олинди.

Тайёрлаган: Отабек Матназаров

#пахта #Миср