Самарқандда иккита МЧЖда ёнғин хавфсизлиги бўйича камчилик топган ФВБ ходими пора олаётганда ушланди
ФВБ ходими ваколатига кирмаса ҳам иккита МЧЖда текширув ўтказган, сўнг камчилик топиб, далолатнома тузмаслик эвазига 600 доллар олаётганда ушланган.
ДХХ ва прокуратура департаменти Самарқанд вилояти бошқармалари ходимлари томонидан ўтказилган тезкор тадбирда Самарқанд тумани ФВБ Аҳоли ва ҳудудларни муҳофаза қилиш бўйича кичик инспектори Ш.Ж. маҳаллий фуқародан пора олаётган вақтида қўлга олинган.
Маълум бўлишича, Ш.Ж. хизмат мавқейидан фойдаланиб, ваколатига кирмаса-да, туман ФВБ йўриқчи-қутқарувчиси ҳамда Профилактика ва назорат бўлинмаси кичик инспектори билан биргаликда Самарқанд тумани “Қайнама” МФЙ ҳудудида жойлашган "О.П." ва "Р.К. 777" МЧЖларда ёнғин хавфсизлиги юзасидан текшириш ўтказган.
Якунда "О.П" МЧЖ раҳбари Л.Р.нинг ўзи ва опаси К.Р.га тегишли "Р.К. 777" МЧЖларда ёнғин хавфсизлиги талаблари бўйича бир қатор камчиликлар аниқланганини айтиб, уларни текшириш далолатномасига қайд этмаслик ва маъмурий жавобгарликка тортмаслик учун 600 доллар талаб қилган.
Ҳуқуқни муҳофаза қилувчи органлар ходимлари томонидан ўтказилган тезкор тадбирда Ш.Ж. 600 долларни фирибгарлик йўли билан олган вақтида ашёвий далиллар билан ушланди.
Қайд этилишича, ҳолат юзасидан фуқаро Ш.Ж.га нисбатан Жиноят кодексининг тегишли моддалари билан жиноий иш қўзғатилиб, қонуний чора кўрилиши белгиланган.
Мавзуга оид
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
22:29 / 12.09.2024
Мирзо Улуғбек таваллудининг 630 йиллиги кенг нишонланади
10:06 / 12.09.2024