Фарғонада уйида дизел ёнилғисини техник талабларга зид равишда сотаётган шахс аниқланди

Фарғона вилоятида дизел ёнилғиси ноқонуний муомалага киритилишининг олди олинди. Бу ҳақда «Ўзэнергоинспекция» хабар берди. 

Маълум қилинишича, ҳолат Бош прокуратура ҳузуридаги департаментнинг Фарғона вилоят бошқармаси ва «Ўзэнергоинспекция» Фарғона вилояти ҳудудий бошқармаси ходимлари билан ҳамкорликда ўтказилган тезкор тадбирларда аниқланган. Бағдод тумани, «Дўрмонча» МФЙда яшовчи М.А. ўз хонадонида техник талабларга зид равишда дизел ёнилғиси сотаётгани маълум бўлди. 

Ундан 640 литр дизел ёнилғиси ашёвий далил сифатида олинган.

Шунингдек, бу каби ҳолат Тошлоқ тумани, «Қақир» МФЙда яшовчи Х.М. ўзига тегишли машина юкхонасида техник талабларга зид равишда 700 литр нефт маҳсулотини ташиш вақтида ҳам аниқланди.