МИБнинг Сурхондарё вилояти бошқармасига янги раҳбар тайинланди

Азамат Холмуродов Бош прокуратура ҳузуридаги Мажбурий ижро бюросининг Сурхондарё вилояти бошқармаси бошлиғи лавозимига тайинланди.

Фото: Сурхондарё вилояти ҳокимлиги матбуот хизмати

Вилоят ҳокимлиги хабарига кўра, А.Холмуродов 1980 йилда Термиз туманида туғилган, маълумоти олий, ҳуқуқшунос.

Меҳнат фаолияти давомида вилоят прокуратурасида, Бош прокуратура ҳузуридаги Мажбурий ижро бюросининг туман бўлимларида турли лавозимларда фаолият олиб борган.

Мазкур тайинловга қадар у бюронинг Сурхондарё вилояти бошқармаси бошлиғи ўринбосари лавозимида ишлаб келган.