Тошкентда 5 та автомашина иштирокида ЙТҲ содир бўлди

Шайхонтоҳур тумани Фурқат кўчасида Nexia-3, Nexia-2, “Москвич 412”, Tracker-2 ва Monza иштирокида ЙТҲ қайд этилди.

Жорий йилнинг 16 апрел куни соат 23:30 ларда Шайхонтоҳур тумани Фурқат кўчасида 5 та автомашина иштирокида ЙТҲ кузатилди.

Тошкент шаҳар ИИББ ЙҲХБ хабарига кўра, Nexia-3, Nexia-2, “Москвич 412”, Tracker-2 ва Monza русумли автомашиналар иштирокида йўл-транспорт ҳодисаси содир бўлган.

ЙТҲ натижасида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

“Барча ҳайдовчилардан белгиланган қоидаларга амал қилишни ҳамда оралиқ масофани сақлаб ҳаракатланишни сўраймиз”, дейилади хабарда.