Қўшимча функционаллар
-
Тунги кўриниш
«Газпром» Ўзбекистонда ваколатхона очиши мумкин
Ҳозирги вақтда «Газпром» Марказий Осиё минтақаси давлатларидан Туркманистон ва Қозоғистонда ваколатхонага эга.
Фото: РИА Новости
Россиянинг «Газпром» компанияси директорлар кенгаши Ўзбекистонда ваколатхона очиш масаласини кўриб чиқади. Мазкур масала 6 май куни кенгашда овозга қўйилади, деб хабар берди Interfax.
Ҳозирги вақтда «Газпром» Марказий Осиё минтақаси давлатларидан Туркманистон ва Қозоғистонда ваколатхонага эга.
2023 йил октябр ойидан Ўзбекистонга Россия газини етказиб бериш учун «Марказий Осиё – Марказ» газ ташиш тизими тескари (реверс) режимга ўтказилди.
«UzGasTrade» АЖ ва «Газпром Экспорт» МЧЖ ўртасидаги икки йиллик келишувга кўра, кунига 9 миллион куб.м., йилига қарийб 2,8 миллиард куб.м. табиий газ экспорт ҳажми кўзда тутилган.
2024 йил ёзида Қозоғистон, шунингдек, Ўзбекистон ва Қирғизистон билан ўрта муддатли 15 йиллик газ етказиб бериш бўйича шартномалар имзоланиши режалаштирилган. Уларни амалга ошириш 2025 йил кузида бошланиши керак.
Филиалларнинг сўнгги эълон қилинган рўйхатига кўра (2021 йилги) «Газпром» Ўзбекистонда иккита компаниясига эга: «Операционная Компания Зарубежнефтегаз - Центральная Азия» ва «Операционная Компания Зарубежнефтегаз ГПД Центральная Азия».
Мавзуга оид
13:48 / 19.12.2024
«Газпром» Италияга биринчи марта СТГ етказиб берди
10:54 / 12.12.2024
Австриянинг OMV компанияси «Газпром» билан шартномани бекор қилди
23:26 / 10.12.2024
Болгария Россия газининг Европага транзитини тўхтатиб қўйиш билан таҳдид қилди
11:08 / 10.12.2024