Тошкентда пул эвазига Канадага ишга юборишни ваъда қилган шахс ушланди

Учтепа туманида фуқарони Канада давлатига ишга юборишни ваъда қилган шахс қўлга олинди.

Фото: Бош прокуратура ҳузуридаги департамент

Бош прокуратура ҳузуридаги департаментнинг Учтепа туман бўлими томонидан ДХХ ходимлари билан ҳамкорликда тезкор тадбир ўтказилди.

Унда, фуқаро И.А. фуқаро Б.О.нинг ишончига кириб, уни юқори лавозимда ишловчи танишлари ёрдамида Канада давлатига ишга юбориши ва виза ҳужжатларини расмийлаштириб бериши эвазига 1100 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.