Ўзбекистонда 10 та янги халқаро автобус йўналиши очилиши кутиляпти

2024 йил давомида 10 та янги халқаро автобус йўналишлари очилиши режалаштирилган. Бу ҳақда Транспорт вазирлиги хабар берди.

Булар: Самарқанд – Бишкек, Бухоро – Бишкек, Бухоро – Остона, Самарқанд – Туркистон, Бухоро – Туркистон, Шаҳрисабз – Туркистон, Самарқанд – Душанбе, Бухоро – Душанбе, Тошкент – Уфа, Тошкент – Краснодар.

Қайд этилишича, бугунги кунда жами 32 та миллий ва хорижий ташувчилар томонидан Россия, Қозоғистон, Қирғизистон ва Тожикистонга 37 та йўналиш бўйича жами 196 та автобуслар қатнови йўлга қўйилган.

2024 йил январ-апрел ойлари давомида халқаро автобус йўналишларида 173 минг нафар йўловчи ташилган. Кўрсаткичлар 2023 йил мос даврига нисбатан 15 фоизга ошган.