Европарламентга сайловлар олдидан Европа Иттифоқи ҳам ташқаридан, ҳам ичкаридан ҳужумга учради, деди Анналена Бербок. Дезинформацион кампаниялар Европа демократиясининг юрагига қарши қаратилган.
Германия, Франция ва Полша гибрид таҳдидлар олдида умумий Европа хавфсизлик сиёсатининг двигатели сифатида ҳар қачонгидан ҳам кучлироқ бўлишни хоҳлайди. Германия ташқи ишлар вазири Анналена Бербок 22 май, чоршанба куни «Веймар учбурчаги» деб аталадиган шаклда француз ва полшалик ҳамкасблари Стефан Сежурне ва Радослав Сикорски билан маслаҳатлашувлардан сўнг: «Биз энди ташқи сиёсатни автопилотда олиб боришга қодир эмасмиз», деди.
«Шунинг учун биз Веймар учбурчаги сифатида ўзимизни Европа Иттифоқи сифатида тўғри жойлаштириш ва геосиёсий жиҳатдан янада қобилиятли бўлиш учун ҳаракатлантирувчи куч бўлишни хоҳлаймиз», дея қўшимча қилди у. Европарламент сайловларидан бир неча ҳафта олдин уч ташқи ишлар вазири европаликларни ўз овозларини Европа Иттифоқидаги демократияни ҳимоя қилиш учун ишлатишга чақирди.
«Веймар республикаси демократик қоидалар нафратга қанчалик тез ўз ўрнини бўшатишини эслатиб туради», - деди Германия ТИВ раҳбари. Унинг таъкидлашича, бугунги кучли ва барқарор Европа демократияси ҳам бахт, ҳам аввалги авлодларнинг хизматларидир. Биз тушунишимиз керак, деди вазир, демократия осмондан тушмаган, балки керак бўлса, ҳимоямизга муҳтож. Бербокка кўра, Европа Иттифоқи энди ташқаридан ҳам, ичкаридан ҳам ҳужумга учрамоқда. Йирик Европа сайловлари арафасида дезинформацион кампаниялар Европа демократиясининг юрагига қарши қаратилган.
«Веймар учбурчаги» формати
«Веймар учбурчаги» 1991 йилда Германия ҳукумати ташаббуси билан ташкил этилган. Дастлаб, форматнинг мақсади Полша ва бошқа Шарқий Европа давлатларини Европа Иттифоқи ва НАТОга яқинлаштириш эди. Йиллар давомида бу вазифа камроқ долзарб бўлиб қолди, аммо «Веймар учбурчаги» форматидаги гуруҳ 2022 йил феврал ойидан кейин тез-тез учраша бошлади.
