Қўшимча функционаллар
-
Тунги кўриниш
Ўзбекистон туризмни фаол ривожлантираётган мамлакатлар рейтингида биринчи ўринни эгаллади
Саудия Арабистонининг An-Nahar News ва Иорданиянинг Ammon News газеталари сайтларида "Ўзбекистон туризмни фаол ривожлантираётган мамлакатлар рейтингида биринчи ўринни эгаллади" сарлавҳали мақола эълон қилинди, деб хабар қилмоқда "Дунё".
"Ўзбекистон сўнгги йилларда жаҳон туризм бозорини энг фаол ривожлантираётган мамлакатлардан бири бўлди, – дейилади мақолада. – Бу ҳақда Жаҳон иқтисодий форуми томонидан тайёрланган халқаро туризм ва сайёҳлик бозорининг ҳолати тўғрисидаги ҳисоботда қайд этилди".
Ўзбекистондан ташқари туризмни фаол ривожлантираётган мамлакатлар рўйхатига Кот-д’Ивуар, Албания, Саудия Арабистони, Танзания, Индонезия, Бирлашган Араб Амирликлари, Миср, Нигерия ва Сальвадор кирди. Туризм бозорига, шунингдек, АҚШ, Испания, Япония, Франция, Австралия, Германия, Британия, Хитой, Италия ва Швейцария энг катта ҳисса қўшган.
Таъкидланишича, форум томонидан эълон қилинган туризмни ривожлантириш индексига кўра, Ўзбекистон 16 поғонага кўтарилган.
"Жаҳон иқтисодий форуми мутахассислари 2024 йилда халқаро туризм бозори пандемиядан олдинги даражага етишини тахмин қилмоқда", – деб ёзган Яқин Шарқ минтақасининг етакчи нашрлари.
Мавзуга оид
18:31 / 09.06.2026
АҚШ сайёҳлик ва бизнес визалари учун тезкор суҳбат бўйича пуллик хизматни йўлга қўяди
22:50 / 03.06.2026
80 минг аҳолига мўлжалланган дунёдаги биринчи сузувчи шаҳар лойиҳаси қайта тикланди
08:17 / 01.06.2026
Электр энергиясига талаб ошиб бормоқда: дунё рейтинги тақдим этилди
20:26 / 29.05.2026