400 млн сўмлик электр энергиясидан ноқонуний фойдаланган МЧЖ аниқланди

Андижон вилояти Олтинкўл туманида электр энергиясидан ноқонуний фойдаланган МЧЖ аниқланди.

Фото: Бош прокуратура ҳузуридаги департамент

Бош прокуратура ҳузуридаги департаментнинг Олтинкўл туман бўлими томонидан “Ўзэнергоинспекция” ходимлари билан ҳамкорликда терговга қадар текширув ўтказилди.

Унда, F.А. МЧЖ раҳбари Ф.Ж. ва бошқалар “Кўмакай” МФЙ ҳудудидаги овқатланиш шохобчасини ҳеч қандай ҳужжатсиз тижорат мақсадида умумий фойдаланишдаги электр тармоғига ўғрилик йўли билан улаб, жами 403,7 млн сўмлик электр энергиясидан ноқонуний фойдалангани аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.