18 метрли King Long автобуси пиёдалар ўтиш йўлагида пиёдани ўтказиб юбориш учун тўхтаган вақтда ортидан масофа сақламай келган худди шундай автобус келиб урилган. Натижада автобус ҳайдовчиси, чиптачиси ва 2 нафар йўловчи тан жароҳати олган.
![](https://storage.kun.uz/source/10/Dh8_PLM7xXmg9pw9PWdirsA6S-bQR7yl.jpg)
Фото: Shopirlar / Telegram
Тошкентнинг Сергели туманида King Long русумли 18 метр узунликдаги автобус худди шундай русумдаги бошқа бир автобусга бориб урилди, оқибатда 4 киши жароҳатланди.
“Тошшаҳартрансхизмат” ахборотига кўра, 14 июн куни соат 16:14 ларда 131-йўналишдаги автобус Янги Сергели кўчаси бўйлаб ҳаракатланиб, пиёдалар ўтиш йўлагида пиёдани ўтказиш учун тўхтаган вақтда, орқадан оралиқ масофа сақламай ҳаракатланиб келаётган 58-йўналиш автобуси келиб урилган.
Дастлабки маълумотга кўра, автобус ҳайдовчиси, чиптачиси ва 2 нафар йўловчи тан жароҳати олган. Автобуслар техник шикастланган.
Компанияда ҳолат юзасидан хизмат текшируви тайинланган, ҳолатни ЙҲХБ ҳам ўрганмоқда.