Қўшимча функционаллар
-
Тунги кўриниш
Дунёдаги энг иссиқ ва энг совуқ мамлакатлар маълум қилинди
Россия, Қирғизистон ва Тожикистон энг совуқ мамлакатлар ўнталигидан жой олди. Энг иссиқ мамлакатлар рейтингида Африка давлатлари устунлик қилмоқда.

Қирғизистон / Фото: Getty Images
Ердаги ўртача ҳарорат Целсий бўйича тахминан 16 даражани ташкил қилади, лекин сайёранинг турли қисмларида у анча юқори ёки пастроқ бўлиши мумкин.
Trading Economics фарқларни ўрганиб, дунёдаги энг совуқ ва иссиқ мамлакатларни аниқлашга қарор қилди.
Қайд қилинишича, рейтинг Жаҳон банкининг 2022 йилга мўлжалланган маълумотларига асосланади.
Шундай қилиб, Гренландия Ердаги энг совуқ мамлакат бўлиб чиқди, у ерда ўртача ҳарорат -18,6°С. Кейинги ўринларда Канада (-4,2°С) ва Россия (-2,9°С). Бу йирик давлатлар иссиқ жойларга ҳам эга, аммо шимолдаги катта ҳудудлар умумий статистикага ҳисса қўшган.
Қизиғи шундаки, совуқ мамлакатлар рейтингида Қирғизистон ва Тожикистон ҳам юқори ўринларни эгаллаган. Бу уларнинг аксарият ҳудуди тоғли экани билан изоҳланади.
10 та энг совуқ мамлакат:
- Гренландия (-18,6°С);
- Канада (-4,2°С);
- Россия (-2,9°С);
- Мўғулистон (1,3°С);
- Исландия (2,1°С);
- Норвегия (2,9°С);
- Финландия (3,2°С);
- Швеция (3,8°С);
- Қирғизистон (3,9°С);
- Тожикистон (5,1°С).
Энг иссиқ мамлакат Ғарбий Африкадаги Буркина-Фасо бўлиб, ўртача ҳарорат Целсий бўйича 29,3 даражага тенг.
Энг иссиқ 10 та давлат:
- Буркина-Фасо (29,3°С);
- Мали (29,2°С);
- Қатар (29,1°С);
- Сенегал (29°С);
- БАА (28,9°С);
- Мавритания (28,9°С);
- Баҳрайн (28,8°С);
- Аруба (28,8°С);
- Жибути (28,6°С);
- Гамбия (28,5°С).
Ўзбекистон энг совуқ мамлакатлар рейтингида 62-ўринда, энг иссиқ мамлакатлар рейтингида 144-ўринда қайд этилган - йиллик ўртача ҳарорат Целсий бўйича 14,9 даража.
Тавсия этамиз
„Участкавой“ президент билан учрашувда капитанга айланди
Ўзбекистон | 15:27 / 11.07.2025
Трамп: НАТО Украина учун АҚШдан қурол сотиб олади
Жаҳон | 11:21 / 11.07.2025
Элдор Шомуродов Туркия клубига ўтди
Спорт | 11:12 / 11.07.2025
Таэквондочи Улуғбек Рашидов икки йилга дисквалификация қилинди
Спорт | 11:00 / 11.07.2025
Сўнгги янгиликлар
-
Шимолий Корея Украинадаги уруш вақтида Россияга 12 миллиондан ортиқ снаряд етказиб берди
Жаҳон | 18:58
-
SpaceX Исроилга тегишли алоқа сунъий йўлдошини орбитага олиб чиқди
Жаҳон | 18:49
-
Исроилнинг Ғазога зарбаси оқибатида сув учун навбатда турган болалар ҳалок бўлди
Жаҳон | 18:31
-
Ёзнинг асосий ўйини: «ПСЖ» ва «Челси» клублар мундиали финалида тўқнашади
Спорт | 17:41
Мавзуга оид

12:33 / 12.07.2025
Ўзбекистонга 3 млндан ортиқ чет эл фуқароси туристик мақсадларда келди

12:29 / 09.07.2025
Ўзбекистоннинг доимий аҳолиси сони қарийб 38 млнга етди

23:03 / 08.07.2025
Жазирама ортда қолди. Олдинда – мўтадил ёз

23:25 / 05.07.2025