Тарихдаги энг каттаси — ҳакер қарийб 10 млрд сиздирилган пароллар архивини тармоққа жойлади

Ҳакерларнинг машҳур форумларидан бирида сиздирилган 10 миллиардга яқин уникал пароллар архиви пайдо бўлди. Бунгача энг кўп сиздирилган пароллар миқдори 8,5 миллиардга тенг эди.

Фото: AP

Cybernews нашри маълумотига кўра, сиздирилган пароллар 4 июлда, АҚШ мустақиллиги кунида форумга ObamaCare номли фойдаланувчи томонидан жойлаштирилган. У бунгача фақат камроқ ҳажмдаги сиздирилган паролларни юклаб келган.

Янги файлда эса нақ 9 948 575 739 та уникал парол мавжуд. Таъкидланишича, файлда аввал сиздирилган пароллар ҳам, янгилари ҳам бор. Тахминлар ушбу пароллар сўнгги 20 йил ичида 4000 дан ортиқ сиздирилган маълумотлар базасини ўзида жамлаган.

Мутахассислар бу пароллардан яхши ҳимояланмаган тизимларга ҳакерлик ҳужумлари қилишда фойдаланиш мумкинлигини айтмоқда.

Бунгача энг кўп сиздирилган пароллар миқдори 8,5 миллиардга тенг эди ва у 2021 йилда эълон қилинганди.

#АҚШ #Ҳакер #Cybernews

Kun.uz янгиликларини Google News'да кузатинг

+ Обуна бўлиш