Жаҳон | 23:33 / 21.07.2024
9997
2 дақиқада ўқилади
Байден АҚШ президентлигига Камала Ҳаррис номзодини таклиф этди
У ўз вице-президентини тўла қўллаб-қувватлашини билдирган.
Жо Байден президентлик пойгасидан чиққанини эълон қилиши ортидан АҚШ вице-президенти Камала Ҳаррисни президентлик лавозими учун номзод сифатида илгари суришни таклиф қилди.
«2020 йилда [Демократик] партия номзоди сифатидаги илк қарорим Камала Ҳаррисни вице-президент сифатида танлаш бўлганди. Бу менинг энг яхши қарорим эди», — деган Байден.
У Ҳаррисни тўла қўллаб-қувватлашини билдирган. «Демократлар, бирлашиш ва Трампни енгиш вақти келди. Келинглар, шундай қиламиз», — дея қўшимча қилган Байден.
- Жо Байден Демократик партиянинг кўплаб етакчилари ва тарафдорлари босими остида 2024 йил ноябрида ўтказиладиган АҚШ президентлиги учун сайловда номзод сифатида қатнашмасликка қарор қилди. Июн ойи охирида у Республикачилар партияси номзоди Доналд Трамп билан кечган дебатда ўта муваффақиятсиз иштирок этганди. 17 июл куни эса Байден коронавирусга чалингани маълум бўлди.
- Байден президентликка сайлов пойгасидан чиқишини эълон қилгач, Трамп уни тарихдаги энг ёмон президент деб атади. У шунингдек ўзи учун Камала Ҳаррисни енгиш Байденни енгишдан кўра осонроқ бўлишини айтган.
Мавзуга оид
16:58 / 17.10.2024
Ҳаррис Байденнинг давомчиси бўлмаслигини айтди
13:10 / 17.10.2024
Байден Киевга 425 млн долларлик ёрдам пакети ҳақида маълум қилди
12:30 / 14.10.2024
ОАВ: Байден 18 октябр куни Берлинга келади
09:49 / 14.10.2024