Филиппинда тропик тўфонлар қурбонлари сони 39 кишига етди

Филиппинда «Бутчой» ва «Карина» тропик тўфонлари сабаб юзага келган сув тошқинлари ва кўчкилар қурбонлари сони 39 кишига етди. 

Филиппиннинг табиий офатлар хавфини камайтириш ва бошқариш бўйича миллий кенгашига таяниб, маҳаллий ОАВ мамлакат бўйлаб тропик циклонлар ҳаддан ташқари ёғингарчилик, сув тошқини ва кўчкиларга сабаб бўлганини хабар қиляпти.

«Бутчой» ва «Карина» тропик циклонлари туфайли ҳалок бўлганлар сони мамлакат бўйлаб 39 кишига етди, улардан 15 нафари Манилада ва 8 нафари Калабарзон минтақасида ҳаётдан кўз юмган.

Тўфонлар 5 миллионга яқин одамга таъсир кўрсатди, жами 2005 та бинога зарар етказди, 118 провинция ва округларда «фавқулодда вазият» эълон қилинди.

Мамлакатнинг катта қисмида сув тошқинлари ва кўчкилар туфайли кўплаб йўллар вақтинча ёпилган.