Қўшимча функционаллар
-
Тунги кўриниш
ЕИ Украинага Россия билан можаро бошланганидан бери 108 млрд евролик ёрдам кўрсатди
Брюссел керак бўлганча Украинани қўллаб-қувватлайди, деди Урсула фон дер Ляйен.
Фото: Getty images
Европа Иттифоқи Украинага Россия Федерацияси билан можаро бошланганидан бери умумий қиймати 108 миллиард евро миқдорида молиявий, гуманитар ва ҳарбий ёрдам кўрсатди.
Бу ҳақда Еврокомиссия раиси Урсула фон дер Ляйен Х ижтимоий тармоғида ёзди.
Сиёсатчи можаронинг биринчи куниданоқ Брюссел Киевга яқин бўлганига эътибор қаратди. «Европа Иттифоқи ва унга аъзо давлатлар Украинага тахминан 108 миллиард евро миқдорида ёрдам кўрсатди», деди Урсула фон дер Ляйен.
Еврокомиссия раҳбари Киев бу можародан ғолиб сифатида чиқиб кетишига ишонч билдирди.
«Европа Иттифоқи Украина ва унинг халқини керак бўлганча қўллаб-қувватлашда давом этади», - деди у.
ЕИ маълумотларига кўра, эълон қилинган маблағнинг 52 миллиард евроси Киев учун молиявий, бюджет ва гуманитар ёрдамга, 39 миллиард евроси ҳарбий ёрдамга сарфланган. Европа Иттифоқи давлатларида бошпана топган украиналиклар учун 17 миллиард евро йўналтирилган.
Мавзуга оид
13:26
«Бу иш бермайди» — Олаф Шолц Украинада тинчликка эришиш йўллари ҳақида баёнот берди
11:40
Германия Украина ҳарбийларининг даволаниши учун яна 50 млн евро ажратади
20:06 / 18.09.2024
Дронлар Твер областига ҳужум қилди. У ерда ракета арсенали жойлашган
12:40 / 18.09.2024