Қўшимча функционаллар
-
Тунги кўриниш
Ўзбекистон ва Венгрия меҳнат миграцияси соҳасида ҳамкорликни кенгайтиришни муҳокама қилмоқда
Ўзбекистоннинг Венгриядаги элчихонаси дипломатлари Doğuş компанияси бош операцион директори Зафер Арикан ўғли билан онлайн шаклда музокара ўтказди.
Фото: "Дунё" АА
Учрашувда миграция соҳасидаги икки томонлама ҳамкорликни йўлга қўйиш, хусусан, меҳнат миграциясини ташкил этишнинг асосий жиҳатлари, ишчиларни танлаш ва жойлаштириш жараёнларини такомиллаштириш, шунингдек, уларни янги мамлакатда мослашувини қўллаб-қувватлаш масалалари муҳокама қилинди.
"Ўзбекистонга бир неча бор бўлганман ва республика менда ниҳоятда ижобий таассурот қолдирган. Ўзбекистонлик мутахассисларнинг юқори малакаси ва меҳнатсеварлиги уларни халқаро компаниялар учун муҳим ҳамкорга айлантирмоқда", деди Зафер Арикан ўғли.
Музокаралар якунида томонлар миграция йўналишида қўшма лойиҳа ва ташаббусларни амалга ошириш бўйича мулоқотларни давом эттириш юзасидан аҳдлашиб олдилар.
