Қозоғистон хориждан олма олиб киришни тақиқлади

Қарор мамлакатда олма ҳосили юқори бўлгани билан изоҳланмоқда.

Фото: Getty Images

Идоралараро комиссия йил охиригача Қозоғистонга автомобил йўллари орқали олма олиб киришни тақиқлаш тўғрисида қарор қабул қилди. Қарор мамлакатда олма ҳосили юқори бўлгани билан изоҳланди.

Қозоғистон Вазирлар Маҳкамасининг хабар беришича, бу йил олма ҳосили 300 минг тоннани ташкил этиши кутилмоқда.

«2024 йилда олма боғларининг тўлиқ мева бериши ва ҳосилдорликнинг 18 фоизга ошиши кутилмоқда, бу эса ички бозор эҳтиёжларини қондиради», дейилади ҳисоботда.

Тақиқ Евроосиё иқтисодий иттифоқи мамлакатларига (Беларус, Қирғизистон, Россия ва Тожикистон) тааллуқли эмас, деб аниқлик киритди ҳукумат.