Қўшимча функционаллар
-
Тунги кўриниш
Тошкентда байрам муносабати билан арзонлаштирилган савдо ярмаркалари ташкил этилди
Аҳолига қулайлик яратиш мақсадида Мустақилликнинг 33 йиллиги олдидан Тошкент шаҳридаги “Авиасозлар” ҳамда “Эски Жува” деҳқон бозорларида савдо ярмаркалари фаолияти йўлга қўйилиб, озиқ-овқат маҳсулотлари нисбатан арзонроқ нархларда сотилмоқда.
Ярмаркаларда сархил мевалар, сабзавот ҳамда полиз экинлари, шунингдек, тухум, гўшт, балиқ, ёғ, нон ва нон маҳсулотлари харидорларга ҳамёнбоп нархларда тақдим этилмоқда.
Қишлоқ хўжалиги вазирлигининг маълум қилишича, Тошкент шаҳри Яшнобод тумани “Авиасозлар” деҳқон бозоридаги арзонлаштирилган савдо ярмаркаси Бухоро вилоятидан келтирилган қишлоқ хўжалиги ҳамда озиқ-овқат маҳсулотлари билан тўлдирилган.
Пойтахтимиздаги “Эски Жува” деҳқон бозорида ҳам арзонлаштирилган савдо ярмаркалари ишга туширилиб, расталарга Қашқадарё вилоятидан олиб келинган маҳсулотлар жойланган.
Масъулларнинг таъкидлашича, савдо расталари ҳар куни янги ва сифатли қишлоқ хўжалиги маҳсулотлари билан тўлдирилмоқда, егуликларнинг сифати устидан доимий назорат олиб борилмоқда.
Пластик карталар орқали ҳам олди-сотди ишлари йўлга қўйилган.
Мавзуга оид
10:20
Андижонда давлат захирасидаги ерни 160 минг долларга сотмоқчи бўлган фуқаро ушланди
09:00 / 01.07.2026
Тошкент ва Навоийда мансабдорлар пора билан ушланди
22:48 / 28.06.2026
Тошкентда “свет” ўчиши оқибатида аттракционда қолиб кетган одамлар тушириб олинди
21:23 / 28.06.2026