Исроилнинг Ғазодаги мактабга берган зарбаси оқибатида 11 киши ҳалок бўлди

Бино кўчирилган фаластинликлар учун бошпана вазифасини ўтаган.

Фото: Anadolu Agency

Исроилнинг Ғазо секторида шу номдаги шаҳардаги мактабга берган зарбаси натижасида 11 киши ҳалок бўлди, ўнлаб кишилар яраланди.

Бу ҳақда Ғазо сектори фуқаролик мудофааси бошқармаси ўзининг Telegram-каналида маълум қилди.

«Сафад» номли таълим муассасаси ўққа тутилди.

Бино кўчирилган фаластинликлар учун бошпана бўлиб хизмат қилган. Бу ҳақда «Анадолу» агентлиги мухбирига маҳаллий соғлиқни сақлаш идораларидаги манбалар маълум қилди.

#Исроил #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.