Қўшимча функционаллар
-
Тунги кўриниш
Венгрия ЕИнинг миграция қоидаларидан воз кечмоқчи
Будапешт Нидерландия ортидан Европа Иттифоқининг бошпана бериш қоидаларидан чиқиш ниятида эканлигини эълон қилди. Бироқ, бунда иккала давлатнинг ҳам муваффақият қозониши даргумон.
Фото: Getty Images
Венгрия Нидерландия ортидан Европа Иттифоқи миграция қоидаларига риоя қилишдан бош тортиш ниятини эълон қилди. Бу ҳақда 18 сентябр, чоршанба куни Венгрия Европа ишлари вазири Янош Бока маълум қилди.
«Ноқонуний миграцияга қарши қатъий чоралар кўриш керак», деб ёзган вазир X ижтимоий тармоғидаги саҳифасида. Шу сабабли Будапешт Европа Иттифоқининг бошпана бўйича қоидаларидан чиқиш учун Еврокомиссияга мурожаат қилмоқчи. Аввалроқ Нидерландия Европа идорасига худди шундай сўров юборган эди. Нидерландиянинг энг йирик ўнг қанот популистик Озодлик партияси (PVV) раҳбари Герт Вилдерс «бу янги шамол эсиб бораётганидан далолат», деди.
Нидерландия ва Венгрия ўз ташаббуси билан муваффақият қозониши даргумон. Ушбу давлатларни Европа Иттифоқи миграция тизимидан чиқариб ташлаш учун унинг барча 27 аъзосининг розилиги талаб қилинади.
Бош вазир Виктор Орбан бошчилигидаги Венгриянинг ўнг қанот популистик ҳукумати кўп йиллардан бери муҳожирларга қарши сиёсат олиб боради ва шунинг учун Европа комиссияси билан доимий зиддиятда. Будапешт айни дамда Европа суди томонидан ўзининг чекловчи бошпана сиёсати туфайли қўйилган 200 миллион евро миқдоридаги жаримани тўлашдан бош тортмоқда. Шунинг учун Брюссел бу пулни Европа Иттифоқининг Венгрияга бўлажак тўловларидан олиб қўймоқчи.
Мавзуга оид
21:54 / 18.11.2024
Трамп ноқонуний мигрантларни оммавий депортация қилиш режаси борлигини тасдиқлади
18:08 / 18.11.2024
Россия Давлат Думаси ҳукуматдан миграция параметрларини белгилашни сўради
17:29 / 18.11.2024
Россиянинг яна бир ҳудудида мигрантлар меҳнатига чеклов ўрнатилди
10:44 / 17.11.2024