НАТО яна 49 та янги жанговар бригада тузишни режалаштираётгани маълум бўлди

Шимолий Атлантика алянси ҳужжатларида ҳар бири 5 минг кишини қамраб оладиган 49 та янги йирик бўлинма тузиш ҳақида сўз боради.

Фото: Shutterstock

НАТОга аъзо давлатлар Россия томонидан бўладиган таҳдидларга қарши туриш учун сезиларли даражада кўпроқ қўшин ва қуролланишни тақдим этиши керак, деб ёзади Die Welt нашри.

Нашрга келиб тушган НАТО ҳужжатларида ҳар бири 5 минг кишини қамраб оладиган 49 та янги йирик бўлинма тузиш, яъни Шимолий Атлантика алянси қўшинларини қарийб 250 минг кишига ошириш ҳақида сўз боради. Бундан ташқари, ушбу қўшинлар фаолиятини таъминлаш учун жанговар корпуслар сони олтитадан 15 тагача, дивизия штаблари эса 24 тадан 38 тачага ошиши керак.

Ҳужжатда айтилишича, ушбу режадан воз кечилмайди, чунки бу «жараённинг қабул қилинишига таъсир кўрсатади» ва «бутун алянсга, биринчи навбатда, унинг стратегик қўмондонлигига бўлган ишончга путур етказади». Die Welt’нинг таъкидлашича, режалар аввало шаффофлик ва ўзаро ахборотни таъминлашга қаратилган бўлиб, тақсимланиш «вертикал» асосда амалга оширилади.

Ҳужжатда, шунингдек, алянсни жанговар ўқ-дорилар ва юқори аниқликдаги қуроллар, логистика ва транспорт каби техник жиҳатдан кучайтириш зарурати ҳақида ҳам сўз боради. Унга кўра, ҳаво ҳужумидан мудофаа бўлинмаларининг сонининг ўзи беш бараварга ошади — 293 тадан 1467 тага ва улар Patriot, Iris T-SLM, Skyranger ҳамда бошқа тизимлар билан таъминланади. Жанговар вертолётлар сони 90 тадан 104 тагача оширилади.

НАТО янги бош котиби Ғарбнинг Украинага ёрдамини кучайтиришга ваъда берди

НАТОнинг янги бош котиби Марк Рютте 3 октябр куни Киевга эълон қилинмаган ташрифи чоғида Киевга Ғарбнинг Украинани қўллаб-қувватлашини кучайтиришга ваъда берди. Украина президенти Володимир Зеленский билан бўлиб ўтган қўшма брифинг чоғида Рютте янги лавозимдаги илк хорижий ташрифини Киевга Шимолий Атлантика алянси Украина томонида эканини ҳаммага тушунтириш учун амалга оширганини таъкидлади.

Марк Рютте фикрича, Украинанинг эркинлик учун кураши НАТОнинг асосий тамойиллари ва қадриятларига мос келади. «Украина ҳозир НАТОга ҳар қачонгидан ҳам яқинроқ ва бизнинг иттифоқимизга аъзо бўлгунга қадар бу йўлдан боришда давом этади», деб ишонтирди янги бош котиб.