Фарғонада кредит ажратиш эвазига фермердан пул олган банк филиали менежери аниқланди

Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган.

Фото: Прокуратура департаменти

Фарғона вилоятида кредит ажратиш эвазига фермердан пул олган банк филиали менежери аниқланган. Бу ҳақда Бош прокуратура ҳузуридаги департамент хабар бермоқда.

Маълум қилинишича, департаментнинг Данғара туман бўлими томонидан ўтказилган терговга қадар текширувда аниқланишича, ҳудудий тижорат банки филиали менежери И.Ш. муқаддам фирибгарлик жинояти учун судланган фуқаро М.О. билан ўзаро тил бириктирган.

Сўнг улар “Ғ.К.” фермерга қишлоқ хўжалиги техникаларини сотиб олиш учун кредит ажратиб беришлари эвазига 500 доллар ва 23,5 млн сўм пулини фирибгарлик йўли билан қўлга киритган ва шундан 20,9 млн сўмни қайтарган.

Қайд этилишича, мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.