Қўшимча функционаллар
-
Тунги кўриниш
РФ элитаси ўзи ҳақидаги маълумотларни ўчириш учун Googleʼдан фойдаланяпти
«Проект» нашри Россия Федерацияси амалдорлари Google қидирув тизимларидан ўзлари ҳақидаги номақбул маълумотларни олиб ташлайдиган схемаларини ўрганиб чиқди.
Фото: Kun.uz
Россия Федерацияси расмийлари ва элитаси Google LLC улар ҳақидаги маълумотларни қидирув тизимидан олиб ташлашини таъминлаш йўлларини топди. Бу ҳақда 15 октябр, сешанба куни чоп этилган «Проект» нашрининг суриштирувида айтилади. Унга кўра, бунинг учун уларнинг пиар ходимлари нафақат Россия судларига мурожаат қилишади, балки қидирув тизимининг техник ёрдамини ҳам алдашади.
Фирибгарлик схемалари
Шундай қилиб, журналистлар томонидан фош этилган схемалардан бирига кўра, ўчирилиши керак бўлган маълумотлар бир кунлик веб-сайтга жойлаштирилади. Унга учинчи шахсни атайлаб обрўсизлантирадиган маълумотлар қўшилади. Шундан сўнг, кўрсатилган шахс нафақат унга тегишли маълумотларни, балки барча тегишли маълумотларни тарқатишни тақиқлашни талаб қилиб, судга мурожаат қилади.
Бошқа схемада 1998 йилдаги Американинг "Рақамли даврда муаллифлик ҳуқуқи тўғрисида"ги қонунидан фойдаланилади. Харидор ўчирмоқчи бўлган мақола нусха кўчирилади ва алоҳида веб-сайтга жойлаштирилади, нашр вақтини шундай ўрнатиладики, у асл нусхадан олдин чоп этилганга ўхшайди. Кейин пиар ходимлари ўғирланган материал ҳақида шикоят қилиш учун Google билан боғланади ва у қидирув натижаларидан ўчирилади.
Учинчи усул — пиар билан шуғулланувчи одамлар ўзларини суриштирув мақолалари муаллифлари сифатида тақдим этиб, Google техник ёрдамига ёзишлари ва материалларни олиб ташлашни талаб қилишлари. Бу Чеченистон раҳбари Рамзан Қодировнинг ёрдамчиси Павел Кротовга нисбатан «Проект» суриштируви билан содир бўлди. Номаълум шахслар Google билан боғланиб, ўзларини нашр журналистлари Мария Жолобова ва Юлия Лукяновалар деб таништирган. Ҳақиқий Жолобова ва Лукянова Google'га плагиат ҳақида ҳеч қандай шикоят юбормаганликларини тасдиқладилар.
