Қўшимча функционаллар
-
Тунги кўриниш
Россияда гўдак боланинг ўлимида гумонланаётган ўзбекистонлик энага ҳибсга олинди
Аёл болани чўмилтириш чоғида қўлидан тушириб юборган, оқибатда у шифохонада вафот этган.
Фото: Санкт-Петербургнинг Москва тумани суди
Санкт-Петербургнинг Москва тумани суди ўзбекистонлик Севинчой Абдурасуловага нисбатан қамоққа олиш тарзидаги эҳтиёт чорасини танлади. Аёл Россия Жиноят кодексининг 109-моддаси 1-қисмида назарда тутилган жиноятни содир этганликда гумонланмоқда.
Тергов хулосасига кўра, Абдурасулова 15 октябр куни энага сифатида 2024 йилда туғилган болага қараётган пайтида, уни чўмилтириш чоғида қўлидан ваннага тушириб юборган. Оқибатда бола бош суяги синиши билан тўмтоқ бош жароҳатини олган ва болалар шифохонасида вафот этган.
17 октябрда Абдурасулова ҳибсга олинган, 18 октябрда унга айблов қўйилган. У айбини тан олгани таъкидланмоқда.
Россия Жиноят кодексининг 109-моддаси 1-қисми эҳтиётсизлик оқибатида ўлимга сабаб бўлиш жиноятини назарда тутади. Бу икки йилгача ахлоқ тузатиш ишлари ёки икки йилгача озодликни чеклаш ёхуд икки йилгача мажбурий меҳнат ёхуд шу муддатга озодликдан маҳрум қилиш билан жазоланиши мумкин.
Мавзуга оид
20:47 / 27.03.2025
Панама Россия ва Эрон «махфий флоти»га алоқадор 128 та кемадан рухсатномани қайтариб олади
20:42 / 27.03.2025
Европа давлатлари Россияга қарши санкцияларни юмшатишдан бош тортди
11:06 / 27.03.2025
Сеул: Шимолий Корея Россияга яна 3000 аскар юборди
09:00 / 27.03.2025