Ғазода ўлдирилган журналистлар сони 182 нафарга етди

Яна беш нафар ОАВ ходими Исроил ҳарбийлари қўлидан ҳалок бўлди.

Фото: AP

Ғазо секторида яна беш нафар оммавий ахборот воситалари ходими Исроил ҳарбийлари қўлидан ҳалок бўлди. Бу ҳақда Ғазо ҳукумати матбуот хизмати баёнотида айтилади.

Улар орасида продюсер Надия Имад ал-Саййид ва радио бошловчи имом Абдураҳмон Семир ат-Танани ҳам бор.

Шу тариқа, 2023 йил 7 октябрдан буён Исроил агрессияси натижасида эксклавда ҳалок бўлган журналистлар сони 182 нафарга етди.

Исроил Ғазо секторида фаластинликларга қарши ҳужумни бошлаган 2023 йил 7 октябрдан бери ўлдирилган матбуот ходимлари сони 182 нафарга етди.

Кеча эрта тонгда Исроил самолётлари Ғазо шаҳри ғарбидаги Ал-Шати қочқинлар лагеридаги БМТнинг Фаластинлик қочқинларга ёрдам кўрсатиш агентлиги «Эсма» мактабига ҳужум қилди. Бино кўчирилган фаластинликлар учун бошпана вазифасини ўтаган.

Тайёрлаган Отабек Матназаров

#журналист #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.