Тошкентда айрим кўчалар ёпилиши ҳақидаги хабарлар рад этилди

Йўл ҳаракати хавфсизлиги хизмати ушбу хабар ўтган, 2023 йилги эканлигини маълум қилди.

Ижтимоий тармоқларда "Иқтисодий ҳамкорлик ташкилотининг 16-саммити муносабати билан Тошкентда 8-10 ноябр кунлари айрим кўчалар ёпилиши тўғрисида хабарлар тарқалди.

Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ушбу хабар ўтган, 2023 йилги эканлигини маълум қилди.

Тармоқлардаги айрим саҳифаларнинг маъмурларидан аниқлик киритмасдан маълумот тарқатиб, жамоатчиликни чалғитмаслик сўралди.